काठमाडौं– काठमाडौंको बसन्तपुरमा इन्द्रजात्राको कार्यक्रमलाई बिथाल्न खोजेको भन्दै प्रहरीले पूर्वडीआइजी विजयराज भट्टसहितका केही व्यक्तिलाई नियन्त्रणमा लिएको छ ।

इन्द्रजात्राको समयमा बसन्तपुर क्षेत्रमा विरोध प्रदर्शनको योजना बनाइरहेको भन्दै उनीहरुलाई प्रहरीले नियन्त्रणमा लिएको जनाएको छ ।

काठमाडौंका प्रहरी प्रमुख उत्तमराज सुवेदीले इन्द्रजात्राको समयमा विरोधको कार्यक्रम गर्न खोजेपछि उनीहरुलाई नियन्त्रणमा लिएको जनाए ।  उनीहरुलाई नियन्त्रणमा लिएसँगै बसन्तपुर क्षेत्रमा सुरक्षा व्यवस्था बढाइएको छ ।

इन्द्रजात्रा अवलोकन गर्न राष्ट्रपति विद्यादेवी भण्डारी पनि बसन्तपुर जाने काय्रक्रम भएका कारण सुरक्षा व्यवस्थालाई कडाई गरिएको छ ।