मुम्बई – प्रभास र श्रद्धा कपूर स्टारर फिल्म ‘साहो’ को चर्चा छ । हालै यो फिल्मको ट्रेलर रिलिज भयो । ट्रेलरले दर्शकबाट राम्रो प्रतिक्रिया पाएको छ । फिल्म अगस्त ३० मा प्रदर्शनमा आउँदैछ ।

प्रभास आफ्नो फिल्मी जीवनका कारण मात्र होइन कि, आफ्नो व्यक्तिगत जीवनका कारण पनि चर्चामा रहने गर्छन् । अझ अनुष्का शेट्टीसँग त उनको अफेअरदेखि बिहेसम्मको खबर आउने गर्छ ।

तर यतिबेला खबर आएको छ कि, प्रभासले एक व्यापारीकी छोरीसँग बिहे गर्न सक्छन् ।

यतिबेला भने प्रभास र अनुष्काको अफेअरको खबरले पुनः चर्चा पाएको छ । खबरका अनुसार प्रभास आफ्नी तथाकथित गर्लफ्रेन्ड तथा बाहबुली नायिका अनुष्का शेट्टीका लागि ‘साहो’ को प्राइभेट स्किृनिङ गर्दैछन् । तर, यो बारेमा कुनै आधिकारिक जानकारी भने बाहिर आएको छैन ।

प्रभास र अनुष्काले कैयन् फिल्ममा एकसाथ काम गरिसकेका छन् । बाहुबलीमा त यी दुईको केमेष्ट्री झनै रुचाइएको थियो ।