काठमाडौं– नेपाली राजनीतिप्रति तीखो व्यंग्य गरिएको एउटा ‘रक’ क्रान्तिकारी गीत रातारात चर्चित बनेको छ ।

‘के पाइस् नेपाली ?’ बोलको उक्त गीतले सशस्त्र द्वन्द्वदेखि अहिलेबो वास्तविकतलाई शब्दमा उतारिएको छ । सशस्त्र द्धन्द्धमा मारिएका १७ हजार नेपालीपछिको राजनीति, मन्त्रीहरुको शिक्षा, लोकतन्त्रले निम्त्याएको बेथिति लगायतका कुराहरुलाई गीतमा समेटिएको छ ।

भिडियोमा रेस्लिङलाई देखाएर नेपाली राजनीतिको यथार्थ देखाउन खाेजिएको छ । अन्त्यमा नेपालीले केरा पाए भन्ने देखाउन रेस्लिङ जितेको रेस्लरले उपहार पनि केरा प्रदान गरेर भिडियो पनि निकै व्यंगात्मक र हास्यास्पद बनाइएको छ ।

भिडियोलाई रोहित शाक्यले भिडियोको निर्देशन गरेका हुन् । ५ मिनेट १३ सेकेन्डको भिडियो स्याडोज नेपालले तयार गरेको हो ।