काठमाडौं– नेपाल कम्युनिष्ट पार्टीका वरिष्ठ नेता माधवकुमार नेपालले जनयुद्ध दिवसबारे असुन्तुष्टि व्यक्त गरेका छन् । जनयुद्धको मात्र नभई सबै आन्दोलनका शहीदहरूको सम्मान गर्ने कुरामा फरक मत नभए पनि पार्टीले गर्ने कार्यक्रम तथा लिने निर्णयमा प्रति इंगित गर्दै असन्तुष्टि पोखेका हुन् ।

नेकपाले पार्टी मुख्यालयमा र देशव्यापी रूपमा जनयुद्ध दिवस मनाइरहँदा वरिष्ठ नेता नेपालले पार्टीमा औपचारिक रुपमा जनयुद्ध दिवश मनाउनेबारे कुनै निर्णय नभएको स्पष्ट पारे ।

महोत्तरीको एक कार्यक्रममा जाने शिलशिलामा जनकपुरमा पत्रकारहरु सँग कुरा गर्दै नेता नेपालले पार्टीभित्र व्यक्तिले म सर्वेसर्वा भए जस्तै निर्णय गर्ने छुट कसैलाई नहुने समेत जिकिर गरे ।

पार्टी केन्द्रीय कार्यालय धुम्बाराहीमा भएको जनयुद्ध दिवको कार्यक्रममा अर्का शीर्ष नेता झलनाथ खनाल पनि उपस्थित भएका थिएन् ।