काठमाडौं –कप्तान पारस खड्काको विष्फोटक ब्याटिङ प्रेरित नेपालले मलेसियालाई ७ विकेटले पराजित गरेको छ । मलेसियाको किनरारा ओभलमा भएको खेलमा नेपालले मलेसियाले दिएको १सय२९ रनको लक्ष्य पछ्याएको नेपालले १८.३ ओभरमा ३ विकेट गुमाएर १सय२९ बनाएर लक्ष्य पुरा गर्यो ।

मलेसियासँगको पहिलो टि–२० शृङ्खलाको पहिलो खेलमा जीत दिलाउन कप्तानले कप्तनी इनिङ्स खेल्दै अविजित रहेका उनले ८६ रन बनाए । उनले ५० बलमा ८ चौका र ५ छक्का प्रहार गरेका थिए ।

नेपालका लागि शरद भेषावकरले १६ रन बनाए भने अन्यले राम्रो रन जोड्न सकेनन् । नेपालविरुद्ध मलेसियाका अनवर रहमानले २ विकेट लिए भने फित्री शामले एक विकेट लिए ।

यसअघि पहिलो ब्याटिङ गरेको मलेसियाका लागि २सय२८ रन बनाउने क्रममा भिरेन्दीप सिंहले ५२ रन बनाउँदा कप्तान अहमद फिआजले ४५ रन बनाएका थिए ।

यस्तै, मलेसियाविरुद्ध नेपालका करण केसीले ३ विकेट लिँदा सन्दीप लामिछाने र वसन्त रेग्मीले समान २–२ विकेट लिए भने सोमपाल कामीले एक विकेट लिएका थिए ।