काठमाडौं– प्रहरी प्रधान कार्यालयले नेपाल प्रहरीका १२ जना प्रहरी उपरीक्षक (एसपी)को काज सरुवा गरेको छ ।

प्रहरीको नयाँ काज सूची अनुसार, कंचनपुरमा निर्मला पन्त हत्या काण्ड कंचनपुर पठाइएका कुबेर कठाएतलाई सामाखुसीस्थित महानगरीय प्रहरी पहरा गणमा सरुवा गरिएको छ । उनको ठाउँमा प्रहरी प्रधान कार्यालयले दिनेश आचार्यलाई खटाएकाे छ ।

त्यस्तै एसपी मुकेश कुमार सिंहलाई जिल्ला प्रहरी कार्यालय मकवानपुर, दिनेशराज मैनालीलाई झापा, गोपालचन्द्र भट्टराई सर्लाही र कृष्णहरी शर्मालाई बागलुङ प्रहरी प्रमुखको जिम्मेवारी दिइएको छ ।

त्यसैगरी केदार ढकाल महानगरीय अपराध महाशाखा, भूपेन्द्र खत्री रौतहटमा, प्रहरी दीपक रेग्मी प्रशिक्षण प्रतिष्ठानमा र ध्रुवराज राउत दंगा नियन्त्रण गण हेटौंडामा काज सरुवा भएका छन् । त्यसैगरी एसपी योगबहादुर पाल क्षेत्रीय ट्राफिक प्रहरी कार्यालय पथलैया, दीपक खरेल एक नम्बर गण महाराजगन्जमा सरुवा भएका छन् ।