काठमाडौं-  प्रहरीले विभिन्न व्यक्तिबाट झन्डै तीन करोड रुपैयाँ ठगी गरेको आरोपमा अधिवक्ता गोपाल शिवाकोटीलाई पक्राउ गरेको छ ।

विभिन्न ६७ जनालाई ठगी गरेको उजुरीकमा आधारमा महानगरीय प्रहरी परिसर काठमाडौंको टोलीले शिवाकोटीलाई मंगलबार कीर्तिपुरस्थित उनकै घरबाट पक्राउ गरेको हो ।

महानगरीय प्रहरी परिसरका प्रमुख एसएसपी बसन्त लामाका अनुसार, शिवाकोटीले काठमाडौंमा कन्सल्टेन्सी खोल्ने भन्दै अधिवक्ताहरूबाट दुई करोड ७६ लाख रुपैयाँ उठाएर ठगी गरेका हुन् ।

एजुकेशन कन्सल्टेन्सी नखोलिकन रकम पचाउन खोजेको भन्दै पूर्वमहान्यायाधिवक्ता पवनकुमार ओझा लगायतले उजुरी गरेपछि प्रहरीले उनलाई पक्राउ गरेको हो ।

अहिले शिवाकोटीविरुद्ध ठगी मुद्दामा अनुसन्धान अघि बढाएको बताएको छ ।