काठमाडौं– मौसममा आएको बदलीसँगै गतसाता देशका विभिन्न ठाउँमा झरी पर्‍यो । हिमाली र उच्च पहाडी क्षेत्रमा बर्षासँगै भारी हिमपात पनि भयो ।

मौसममा क्रमिक सुधार हुँदै गएपछि पहाडी क्षेत्रको हिउँ पनि पग्लिदै गएको छ । तर, केही ठाउँमा भने अझै पनि हिउँ बाकी छ ।

उच्च पहाडी क्षेत्रमा हिउँ बाँकी नै रहँदा कतिपय ठाउँमा रमाइला छ भने केही ठाउँमा हिउँका कारण सर्वसाधारणले सास्ती खेप्नु परिरहेको छ ।

यी दुई तस्वीर अन्नपुर्ण पदमार्ग क्षेत्रका हुन् । पर्यटकहरु मनाङ चामे गाउँपालिका तिमाङको उकालो उक्लदैछन् ।

गतसाताको हिमपातका कारण पर्यटकहरुले पदमार्गमै हिउँसँग रमाउने मौका पनि पाएका छन् ।

यी दुई तस्वीर राससका लागि नवीन लामिछाने खिचिका हुन् ।

यी दुई तस्वीर भने हिमाली जिल्ला मुस्ताङका हुन् । घरपझोङ गाउँपालिका– ५ नमुना आधारभुत विद्यालय ठिनीमा हिउँको वास्ता नगरी विद्यार्थीहरु पढ्न गएका बेला राससका लागि रित मगरले तस्वीर खिचेका हुन् ।

मुस्ताङ जिल्लामा बुधबारदेखि नयाँ शैक्षिक सत्र सुरु भएको छ ।

यो तस्वीर पनि हिमाली जिल्ला मुस्ताङकै हो । बेनी–जोमसोम सडक खण्ड निर्माणका लागि खटिएका मजदुरहरु हिउँले ढाकेको जंगलमा त्रिपाल राखेर बसिरहेका छन् ।

यो तस्वीर राससका लागि निरज थकालीले खिचेका हुन् ।

यो एक अर्का तस्वीर छ, भोजपुर जिल्लाको । हिउँ परेपछि भोजपुरको मैयुङ डाँडामा देखिएको मनोरम दृष्यलाई राससका युवराज विष्टले क्यामेरामा कैद गरेका हुन् ।