काठमाडौं– अर्थमन्त्री युवराज खतिवडाले प्रधानमन्त्री रोजगार सेवा कार्यक्रम सबै नेपालीलाई सवल र सक्षम नागरिक बनाउने कार्यक्रम भएको बताएका छन् ।

बुधबार प्रधानमन्त्री रोजगार कार्यक्रमको शुभारम्भ कार्यक्रममा अर्थमन्त्री खतिवडाले श्रम बजारमा आवद्ध नहुने नागरिकलाई राज्यले सामाजिक सुरक्षा दिने बताए । उनले यो कार्यक्रमको आशय सबै नागरिकलाई श्रममा जोड्नु भएको बताए ।

सामाजिक सुरक्षालाई दिगो र धान्नसक्ने बनाउनका लागि युवाशक्तिलाई श्रम बजारमा आवद्ध गर्नुपर्ने उनको भनाइ थियो । ‘युवा शक्तिलाई श्रम बजारमा आवद्ध गर्न सकेनौं भने हामीले दिने सामाजिक सुरक्षालाई दिगो र धान्न सक्ने हुन्छ सक्दै’ उनले भने,‘श्रम बजारमा आवद्ध नहुने नागरिकलाई राज्यले सामाजिक सुरक्षा दिने हो’ ।

अर्थमन्त्री खतिवडाले अव मुलुक सर्वव्यापी सामाजिक सुरक्षामा गएको बताए ।

श्रमहरु औपचारिककरण हुनुपर्छ भन्दै अर्थमन्त्री खतिवडाले अनौपचारिक कामहरु शोषणयुक्त हुने बताए । प्रधानमन्त्री रोजगार कार्यक्रमले श्रमलाई मर्यादित, सम्मानजक ज्इाला, श्रमको सम्मान गर्ने वातावरण हुने उनको भनाइ थियो ।