काठमाडौं– चलचित्र ‘बैना बट्टा’ कोे शुभमुहूर्त गरिएको छ । प्रमुख अतिथि संघीय समाजवादी फोरमका वरिष्ठ नेता अशोक राईले क्यामेराको स्विच थिचेर चलचित्र बैनाबट्टाकोे शुभमुहूर्त गरेका हुन् ।

नरिवल फुटाएर नायक नायिका लगायत सम्पूर्ण चलचित्र यूनिटले क्यामेरा पूजा गरे । प्रेम लावतीको निर्माण रहेको चलचित्र ‘बैना बट्टा’मा राज चाम्लिङको कथा लेखन तथा निर्देशन रहनेछ ।

चलचित्रमा विशेष गरी पूर्वी नेपालका जनजातीहरुको जीवनमा आईपर्ने यथार्थ जीवनकथा तथा कला संस्कृतिलाई देखाइने निर्देशक राईले बताए । चलचित्रमा देवेन्द्र नेम्बाङ, कविता राई, बाबु मोक्तान र रश्मिला तामाङको अभिनय रहनेछ । यस्तै चलचित्रमा अन्य कलाकारहरुमा अर्जन श्रेष्ठ, पूर्ण पोर्तेल, नरेश बानेम, रिया सुब्बा, रोशन सिंह लिम्बु, प्रकाश थेबे, निरा राई लगायत रहनेछन् ।

सहायक निर्माताको रुपमा एबिराज आङदेम्बे, भवानी घिमिरे, बिक्रम नेम्वाङ, राम लावती, समिल राई, सुनिता लिम्बु, र यसराज योङहाङ रहका छन् । चलचित्रमा चार गीत रहनेछन् जसमा बुद्धराज इङबा, राज चाम्लिङ, सन्तोष राईको संगीत रहनेछ । पूर्वी नेपालबाटै चलचित्रको केहीदिनभित्र छायांकन थालिने निर्माण टिमले जनाएको छ ।