काठमाडौं– नेकपामा चैन, जम्बो समिति कसैलाई काम छैन शीर्षकमा आजको अन्नपूर्ण दैनिकले पहिलो पृष्ठमा समाचार छापेको छ । नेकपामा ४११ जनाको जम्बो केन्द्रीय समिति छ । आमन्त्रित स्थायी समिति सदस्यलाई पनि जोड्ने हो भने यो संख्या ४ सय ५१ पुग्छ । तर केन्द्रीय नेताको कामको टुंगो छैन । एकीकरणपछि नेकपाले नेतालाई काम बाँडफाँट गर्न सकेको छैन ।
त्यस्तै पत्रिकाले कसिंदै कर्मचारी, अब एक पटक मात्रै आरक्षणको शीर्षकमा अर्को समाचार छापेको छ । आरक्षणका नाममा उही व्यक्तिले पटक पटक अवसर लिने अवस्था देखिएपछि आरक्षित समूहमा शक्तिशालीकै हालीमुहाली चल्थ्यो । अब त्यसलाई परिवर्तन गरी कर्मचारी तन्त्रमा एकपटक मात्र आरक्षणको नियम ल्याइने भएको छ ।
त्यस्तै पत्रिकाले ४०० वर्ष पुरानो वृक्ष चोरियो शीर्षकमा जापाको समाचार पहिलो पृष्ठमा छापेको छ । चोरले केही पनि बाँकी राख्दो रहेनछ । जापानको राजधानी टोकियो नजिकै साइतामास्थित एक बगैंचाबाट ४ सय वर्ष पुरानो बोनसाई (आकारमा ल्याइएको वृक्ष) चोरिएको हो । अरु ६ वटा रुखसमेत चोरिएका छन् ।
त्यस्तै अन्ततः मेक्सिको छेक्ने भयो अमेरिकाले शीर्षकमा पनि अर्को समाचार छापेको छ । मेक्सिकोको सीमामा पर्खाल लगाउने निर्णयका समर्थकसँग टेक्ससमा मंगलबार ¥यालीमा अमेरिकी राष्ट्रपति डोनाल्ड ट्रम्प समेत उपस्थित भएका थिए ।