काठमाडौं– सरकारले सार्वजानिक यातायातका भाडा बृद्धि गरेको छ । सरकारले हाल कायम भाडामा १२ प्रतिशतले बृद्धि गरेको यातायात व्यवस्था विभागले जानकारी दिएको छ ।

सार्वजनिक सवारी साधनमा असार १ गतेबाट लागू हुने गरी सबै खाले भाडा वृद्धि भएको हो ।

विभागले मेकानिकल पार्टस्को मूल्य, सवारी साधनको मूल्य, श्रमको दर, इन्धनमा भएको मूल्यवृद्धिलगायतलाई आधार बनाएर भनयाँ भाडादर कायम भएको जनाएको छ ।

भाडादर समायोजन गर्ने विषयमा विभागले बुधबार महानगरपालिकासँग छलफल समेत गरेको थियो । उक्त छलफलपछि भाडा बृद्धि गर्ने निर्णय भएको यातायात व्यवस्था विभागका प्रवत्ता तीर्थराज खनालले खबरहबलाई जानकारी दिए ।

बिहिबार यातायात व्यवसायी, उपभोक्ताकर्मी र सुरक्षा निकायका प्रमुखलगायतसँग छलफल गरी भाडादर समायोजन गर्ने निर्णय गरि गरिएको विभागले जनाएको छ । लामो समयदेखि यायायात व्यवसायीले भाडादर समायोजन गर्ने माग गर्दै आएका थिए । सोही अनुसार भाडादर समायोजन गरिएको विभागले जनाएको छ ।

यस्तै ट्याक्सीको भाडादरमा समेत समायोजन गर्ने सरकारको तयारी छ । विहीबार(आज) बेलुका बैठक बसेर भाडादर निर्धारण गरिने प्रवक्ता खनालले जानकारी दिए ।

यस्तै सरकारले असार १ गतेदेखि रात्रिकालिन बस चलाउने तयारी गरेको छ । यसको भाडा दिउँसोको सवारीको भन्दा धेरै हुने छ । रात्रिकालिन बसको न्यूनतम भाडा २२ रुपैयाँ हुने भएको छ ।