काठमाडौं-चोटपछि आराम पाएका भारतका ओपनिङ ब्याट्सम्यान शिखर धवनको स्थानमा भारतीय टोलीमा रिसव पन्तले स्थान पाउने भएका छन् । भारत ओपनिङमा बलियो बनाउने योजनासहित रिसवलाई शिखरको स्थानमा विश्वकप खेल्ने १५ सदस्यीय टोलीमा समावेश गर्न लागेको आईसीसीले जनाएको छ ।

यसअघि राष्ट्रिय टोलीबाट खेलिसकेका विकेटकिपर ब्याट्सम्यान पन्तलाई टोलीमा लिने भारतको योजना थियो । यद्यपी भारतीय क्रिकेट बोर्डले अहिलेसम्म आधीकारीक रुपमा केही जनाकारी दिएको छैन् ।

तर, भारतका प्रशिक्षकले बुधबारको पत्रकार भेटघाटमा खेलाडी स्ट्यान्डबाई रहेको बताएका थिए । भारतीय मिडियाहरुले रिसव विश्वकपका लागि बिहीबार इङ्ग्ल्यान्ड पुग्ने उल्लेख गरेका छन् ।

पन्तले भारतका लागि अहिलेसम्म ५ एकदिवसीय खेल खेलेका छन् । उनको १३०.९८ को स्टाइक रेट रहेका उनी धवनको स्थान लिन सक्ने खेलाडी रहेको बताइएको छ ।