काठमाडौं– पूर्वमन्त्री तथा सत्तारुढ नेपाल कम्युनिस्ट पार्टी (नेकपा)का नेता सुरेन्द्र कुमार कार्की (राम कार्की)ले नेत्रबिक्रम चन्द (विप्लव) नेतृत्वको नेकपालाई प्रतिवन्ध लगाउने सरकारी निर्णयप्रति संशय व्यक्त गरेका छन् ।

नेता कार्कीले विप्लव नेतृत्वको नेकपामाथिको प्रतिवन्धलाई ‘आगोमा बारुद हाले निभाउने प्रयास’का रुपमा अर्थ्याएका छन् ।

सामाजिक सञ्चाल फेसबूकमा एक सन्देश लेख्दै कार्कीले वर्तमान सरकार र सत्तारुढ पार्टी ‘समाजवादतर्फ ठोस पाइला चालेर विप्लवको राजनीतिलाई औचित्यहिन बनाउन चुकिरहेको’ भन्दै व्यंग समेत गरेका छन् ।

कार्कीले फेसबुकमा लेखेका छन्,
सिद्दान्तमूक्त राजनीति = नो रणनीति
कार्यनीति + कार्यनीति + कार्यनीति = अवसरवाद
जे आइपर्छ त्यही गर्ने = सुविधाको राजनीति
समाजवादतर्फ ठोस पाइला चालेर विप्लवको राजनीतिलाई औचित्यहिन बनाउन चुक्दैछौं हामी ।
प्रतिबन्ध = हाम्रो आफ्नै अनुभव मनन गर्दा आगोमा बारुद हालेर निभाउने प्रयास सावित नहोस् ।