काठमाडौं– पश्चिमी निम्न चापीय वायूको प्रभाव स्वरुप हिमाली क्षेत्रमा भारी हिमपातको सम्भावना रहेको भन्दै जल तथा मौसम पूर्वानुमान महाशाखाले सचेत रहने अनुरोध गरेको छ ।

शुक्रबार साँझ तीन दिनको मौसमको पूर्वानुमान जारी गर्दै महाशाखाले आगामी २४ घण्टाका लागि पश्चिमी उच्च पहाडीसहित हिमाली भू-भागका स्थानहरुमा सतर्कता अपनाउनु अनुरोध गरेको हो ।

महाशाखाले पश्चिमी उच्च पहाडीसहित हिमाली भू-भागमा भारी हिमपात साथै मध्य तथा पूर्वी उच्च पहाडी सहित हिमाली भू-भागमा हल्का देखि मध्यम हिमपात हुने पूर्वानुमान गरेको छ ।

मौसमको अवस्था
हाल देशको अधिकांश भू-भागमा सामान्यदेखि पूर्ण बदली रही केहि भूभागमा हल्का वर्षा भइरहेको छ। साथै उच्च पहाडी र हिमाली भू-भागमा हिमपात समेत भएको छ।

तीन दिनको मौसम पूर्वानुमान

रातिस् देशभर सामान्य बदली रही पश्चिमी भेगका केही स्थानहरुमा मेघ गर्जन सहित हल्का वर्षा साथै मध्य तथा पूर्वका थोरै स्थानहरुमा हल्का वर्षा हुने सम्भावना छ ।
पश्चिमी उच्च पहाडी सहित हिमाली भू-भागहरुमा भारी हिमपात साथै मध्य तथा पूर्वका उच्च पहाडी सहित हिमाली भू-भागमा हल्का देखि मध्यम हिमपात हुने सम्भावना रहेको छ।

मंसिर २८ गते (शनिबार)

दिउँसोः देशभर आंशिकदेखि सामान्य बदली रही देशका केही स्थानहरुमा हल्का वर्षा हुने सम्भावना छ। उच्च पहाडीसहित हिमाली भू-भागहरुमा हल्कादेखि मध्यम हिमपात हुने सम्भावना छ।

रातिः देशभर आंशिकदेखि सामान्य बदली रही देशका केही स्थानहरुमा हल्का वर्षा हुने सम्भावना छ। उच्च पहाडीसहित हिमाली भू(भागहरुमा हल्कादेखि मध्यम हिमपात हुने सम्भावना छ।

मंसीर २( गते (आइतबार)

दिउँसोः देशको पश्चिमी भू-भागमा सामान्य बदली र मध्य तथा पूर्वका पहाडी भू(भागमा आंशिकदेखि सामान्य बदली रही पश्चिमी थोरै स्थानहरुमा साथै मध्य तथा पूर्वका पहाडी भू-भागमा हल्का वर्षा हुने सम्भावना छ। हिमाली भू-भागहरुमा हल्का देखि मध्यम हिमपात हुने सम्भावना छ।

रातिस् देशको पश्चिमी पहाडी आंशिकदेखि सामान्य बदली साथै मध्य तथा पूर्वी पहाडी भू-भागमा आंशिक बदली रहनेछ । हिमाली भू-भागहरुमा हल्का हिमपात हुने सम्भावना छ।