हेटौंडा– बोल्न नसक्ने (अपाङ्ग) महिलालाई जबरजस्ती करणी गरेको अभियोगमा मकवानपुर प्रहरीले १ जना पुरुषलाई पक्राउ गरेको छ ।

पक्राउ पर्नेमा मकवानपुरको हेटौंडा उपमहानगरपालिका–११ घर भएका ४५ वर्षीय जेठा मोक्तान भनिने जयबहादुर मोक्तान छन् ।

प्रहरीका अनुसार जयबहादुरले ४८ वर्षीया अपाङ्ग महिलालाई उनकै घर नजिकको आँप घारीमा लगेर बलात्कार गरेका थिए ।

जयबहादुर अपाङ्ग महिलालाई बलात्कार गरिरहेको अवस्थामा फेला परेपछि स्थानीयले प्रहरीलाई खबर गरेका थिए ।

स्थानीयको सूचनाअनुसार जिल्ला प्रहरी कार्यालय हेटौंडाबाट खटिएको टोलीले जयबहादुरलाई बिहीबार साँझ उनकै घरबाट पक्राउ गरेको हो ।

पक्राउ परेका जयबहादुरमाथि थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।