अजय देवगन आफ्नो आउँदो फिल्म ‘तानाजी – द अनसङ वारिअर’ रिलिजपछि बलिउडमा १०० फिल्मको यात्रा पूरा गर्दैछन् । यसै अवसरमा बलिउडका सिताराले अजयलाई बधाई पनि दिइरहेका छन् ।
हालै अजय देवगनले एक अन्तर्वार्ताका क्रममा ‘फूल और काँटे’ को रिमेक गर्ने बताए । यो खबरसँगै फ्यानको प्रतीक्षाको घडी शुरु भएको छ ।
अजय देवगनले आफ्नो पहिलो फिल्मको रिमेक बनाउन चाहेका हुन् । ‘म यसलाई फेरिएको समयका हिसाबले फरक तरिकाको प्रस्तुतीकरण सहित फिल्म बनाउने सोचमा छु,’ देवगनको भनाइलाई उद्धृत गर्दै भारतीय मिडियाले लेखेका छन् ।
‘फूल और काँटे’ सन् १९९१ मा रिलिज भएको थियो । अजयले यो फिल्मलाई कसैसँग मिलेर निर्माण गर्ने पनि बताएका छन् ।
प्रतिक्रिया