काठमाडौं– दुई दिने राजकीय भ्रमणका लागि चिनियाँ राष्ट्रपति सी चिनफिङ नेपाल आइपुगेका छन् ।

शनिवार(आज) अपराह्न साढे ४ बजे सी चाइना एयरको विशेष विमान मार्फत त्रिभुवन अन्तर्राष्ट्रिय विमानस्थलमा अवतरण गरेका हुन् ।

चेन्नाइमा भारतीय प्रधानमन्त्री नरेन्द्र मोदीसँगको अनौपचारिक शिखर वार्ता सम्पन्न गरी सी नेपाल आएका हुन् ।

सीलाई राष्ट्रपति विद्यादेवी भण्डारीले विमानस्थलमा स्वागत गरेकी थिइन् ।

भण्डारीका साथै पञ्चकन्याले माला प्रदान गरेर सीको स्वागत गरेका थिए ।

सीको सम्मानमा विमानस्थलमा नै नेपाली सेनाले ‘गार्ड अफ अनर’ प्रदान गरेको थियो ।

सैनिक टुकडीले चिनियाँ र नेपाली राष्ट्रि धुनसहित सम्मान गारथ अर्पण गरेको थियो ।

त्यसपछि राष्ट्रपति भण्डारीले सीलाई उपराष्ट्रपति, प्रधानमन्त्री लगायतसँग परिचय गराएकी थिइन् ।

विमानस्थलमा सांस्कृतिक झाँकी राष्ट्रपती सीको स्वागतमा प्रदर्शन गरिएको थियो ।

‘गार्ड अफ अनर’ ग्रहरण गरेसँगै राष्ट्रपति सीको ‘कारगेट’ होटल सोल्टी प्रस्थान गरेको थियो ।

तिनकुने, वानेश्वर, माइतिघर, त्रिपुरेश्वर लगायतका स्थानमा विभिन्न जातजातीका भेषभूषामा सजिएका सर्वसाधारण र सरकारी कर्मचारीले राष्ट्रपति सीलाई स्वागत गरेका थिए ।

केही बेर होटल सोल्टीमा आराम गरेपछि सी राष्ट्रपति भण्डारीसँग भेटवार्ताका लागि शीलतनिवास जाने कार्यक्रम रहेको छ ।

सीले आजै प्रमुख प्रतिपक्षी दल नेपाली कांग्रेसका सभापति शेरबहादुर देउवासँग भेटवार्ता गर्ने कार्यक्रम छ भने राष्ट्रपति भण्डारीले आयोजना गरेको राजकीय भोजमा सी सहभागी हुनेछन् ।