वीरगन्ज– सवारी ज्यान मुद्दामा २० दिनको कैद र २ हजार रुपैयाँ जरिवानाको सजाय पाएका एक प्रतिवादी ४ वर्षपछि पक्राउ परेका छन् ।
पक्राउ पर्नेमा पर्साको वीरगन्ज महानगरपालिका–२ घर भएका ३६ वर्षी मुख्सार मिया ठाकुर छन् ।
चितवन जिल्ला अदालतले २७ साउन २०७२ ठाकुरविरुद्ध २० दिन कैद र २ हजार रुपैयाँ कैद सजायको फैसला सुनाएको थियो ।
अदालतको फैसलासँगै फरार भएका ठाकुरलाई असोज २४ गते (शुक्रबार) वीरगन्जबाट पक्राउ गरिएको जिल्ला प्रहरी कार्यालय पर्साले जनाएको छ ।
वीरगन्ज महानगरपालिका–२ छपकैयाबाट पक्राउ परेका ठाकुरलाई फैसला कार्यान्वयनका लागि अदालतमा बुझाउने प्रक्रिया शुरु गरिएको प्रहरीले जनाएको छ ।
प्रतिक्रिया