काठमाडौं– रोग नियन्त्रण र रोकथामका लागि अमेरिकी केन्द्र, युएस सेन्टर्स फर डिजिज कन्ट्रोल एण्ड प्रिभेन्सल(सीडीसी)ले एसिया, प्यासिफिक आइल्याण्ड, अफ्रिका, मध्युपूर्व र अमेरिकी महादेशको भ्रमणमा सतर्कता अपनाउन आफ्ना नागरिकलाई आग्रह गरेको छ ।

लामखुट्टेका कारण लाग्ने मलेरिया, चिकुन्गुनिया , जिका, डेंगुको खतरा रहेको भन्दै ग्रामिण र प्रदुशित क्षेत्रमा नजान अमेरिकाले आफ्ना नागरिकहरुलाई आग्रह गरेको छ ।

सीडीसीका अनुसार बंगलादेश, फ्रेन्च पोलेलभसिया, मार्सला आइसल्याण्ड, फिलिपिन्स, सिंगापुर, श्रीलंकामा डेंगुको उच्च संकमण रहेको जनाइएको छ ।

सीडीसीले सूचीमा नेपालको नाम समावेश नगरेपनि प्रभावित क्षेत्रको नक्सामा नेपाल, भारत, पाकिस्तान, लाओस लगायतका देशको नाम पनि डेंगु सक्रमणमा रहेकोले सतर्कता अपनाउन आग्रह गरेको छ ।

त्यस्तै न्यूज १८ अनलाइनमा पोस्ट भएको समाचारमा नेपालले डेंगुको रोकथामको लागि सामाजिक जागरणको क्षेत्रमा काम गरिरहेको जनाएको छ । स्थानीय तहहरुसँग मिलेर नेपाल सरकारले काम गरिरहेको र सार्वजनिक क्षेत्र सफाइ लगायतको काम गरिरहेको जनाएको छ ।

त्यस्तै बंगलादेशमा पछिल्लो एक महिनामा ५० हजार ९ सय ७४ जना डेंगु प्रभावित रहेको समाचारमा जनाइएको छ ।
त्यस्तै पूर्वी चीनमा पनि ६०० जना भन्दा धेरै मानिस डेंगुरोगबाट प्रभावित भएको समाचारमा जनाइएको छ ।

इन्टरनेशनल ट्राभल एण्ड हेल्थ इन्सुरेन्स जर्नलका अनुसार डेंगुसँग लड्नका लागि आणविक उपायको प्रभावकारी खोजी आवश्यक छ ।