संखुवासभा– वर्षपछिको पहिरोले थुनिएको संखुवासभाको सभाखोलामा रहेको पानी विस्तारै बग्न सुरु गरेको छ।
संखुवासभाको सभापोखरी गाउँपालिका–४ फाक्सीबुङमा पहिरो खस्दा सभाखोला थुनिएको थियो ।
बुधबार दिउँसो करिब साढे २ बजे पाक्सीबुङको पाखो बगेसँगै सभाखोला थुनिएको थियो । खोला थुनिएपछि करिब तीन सयम मिटर भन्दा ठूलो ताल बनेको थियो ।
सभापोखरी गाउँपालिका वडा नम्बर ६ का वडाअध्यक्ष विकास पौडेलले पहिरोले जमेको पानी विस्तारै खुल्न थालेको जानकारी दिए ।
पहिरो खसेसँगै ठूला ठूला ढुंगा र माटोले खोला छेकिएको थियो । तर पहिलो खस्न छोडेपछि जमेको पानीले विस्तारै माटो बगाउँदै बाटो बनाएपछि पानी बग्न थालेको पौडेलले जनाए ।
प्रतिक्रिया