काठमाडौं– नेपालमा आयोजना भएको १२ औं दक्षिण एसियाली शारीरिक सुगठन प्रतियोगिताका पदक विजेता खेलाडी सम्मानित भएका छन् ।

सोमबार शारिरिक सुगठन प्रतियोगिताका विजेता खेलाडीलाई नेपाल शारीरिक सुगठन तथा फिट्नेस संघका अध्यक्ष राजेश बाबु श्रेष्ठले नगदसहित सम्मानित गरेका हुन् । खेलाडीलाई अध्यक्ष श्रेष्ठले व्यक्तिगततर्फबाट नगदसहित सम्मानित गरेका हुन् ।

श्रेष्ठले स्वर्ण विजेतालाई जनही ५० हजार, रजत विजेतालाई ३० हजार र कास्य विजेतालाई २० हजार नगदले सम्मानित गरे । च्याम्पियनसिपमा नेपालले ३ स्वर्ण, ७ रजत र ६ कास्य पदक जितेको थियो ।

च्याम्पियनसिपमा नेपालका समिर श्रेष्ठ, नरेश मालाकार र मल्लिका शाक्यले स्वर्ण जितेका थिए । यस्तै रजत जित्नेमा कमल भण्डारी, रमेश कार्की,निशान्त प्रधान, राजु राई, प्रमोद राई, रजनी श्रेष्ठ र पुजा श्रेष्ठ रहेकी छिन् ।

त्यस्तै कृष्ण दास दिवाकर, प्रज्वल मान शाक्य, अशोक महर्जन, मिलन सिजापति, कृष्ण महर्जन र सुजिता मानन्धरले कास्य जितेका थिए ।