काठमाडौं – नेपाली राष्ट्रिय क्रिकेट टोली यतिबेला सिंगापुरमा आयोजना हुने आईसीसी टी–ट्वान्टी विश्वकप एसिया फाइनलको तयारीका लागि मलेसियामा छ ।

मलेसियामा रहेको नेपाली टोलीले घरेलु टोलीसँग शनिबार र आइतबार टि–ट्वान्टी अन्तराष्ट्रिय क्रिकेट शृङ्खला खेल्दैछ ।

मेलेसियाको किनरारा ओभलमा नेपाल र मलेसियाबीचको खेल नेपाली समय अनुसार शनिबार (भोलि) बिहान ७ : ४५ बजे सुरु हुनेछ । त्यसपछि नेपालले मलेसियासँग आइतबार अन्तिम तथा दोस्रो खेल खेल्नेछ ।

मलेसिायसँगको दुुई खेलपछि नेपाली टोली सिंगापुर प्रस्थान गर्नेछ ।

सिंगापुरमा विश्वकप एसिया फाइनल जुलाई २२ देखि २८ सम्म आयोजना हुदैछ ।

एसिया फाइनलमा नेपालसहित आयोजक सिंगापुर, मलेसिया, कतार र कुवेत छन् । शनिबार मलेसियासँग खेल्न थालेको नेपाली टोलीले यसअघि ४ पटक खेलेको छ । जसमा तीन खेल नेपालले जित्दा एक खेलमा हार व्यहोरेको थियो ।

जसमा नेपालले मलेसियासँग पहिलो पटक सन् २००७ मा खेलेको थियो । नेपालले मलेसियासँग एसीसी ट्वान्टी–२० खेलेको थियो । उक्त खेल नेपालले २१ रनको जीत हात पारेको थियो ।
नेपालभन्दा आईसीसी वरियतामा पछि रहेको मलेसियामाथि सहज जीतको खोजिमा नेपाली टोली रहेको छ । तर, मलेसिया जानु अघि नेपाली टोलीका कप्तान पारस खड्काले विपक्षीलाई कमजोर नआँक्ने बताएका छन् ।