काठमाडौं – नायिका रेखा थापा पुन: फिल्ममा निर्माणमा जुटेकी छिन् । उनले आफ्नो फिल्मको निर्देशनको जिम्मा रेनशा बान्तवा राईलाई दिएकी छिन् ।
रेनशाको जन्मदिनको अवसर पारेर शुक्रवार आफ्नो छैठौं सिनेमाका लागि रेनशालाई फिल्ममा अनुबन्ध गरेको रेखाले बताइन् ।
रेनशाले यसअघि फिल्म ‘इन्टु मिन्टु लण्डनमा’ निर्देशन गरेकी थिइन् । उक्त फिल्मले दर्शकबाट औसत प्रतिक्रिया पाएको थियो । यो रेनशाको पहिलो निर्देशन पनि थियो ।
रेखाले निर्माण गर्ने र रेनाशाले निर्देशन गर्ने भनिएको फिल्ममा मल्टिस्टारर कलाकार रहने जनाइएको छ । फिल्मको स्क्रिप्ट अभिमन्यु निरवीले लेखिरहेका छन् ।
फिल्ममा को को कलाकार रहने भन्नेबारे अझै खुलाइएको छैन ।
प्रतिक्रिया