काठमाडौं–रातभरको वर्षापछि ललितपुरस्थित पुल्चोकस्थित सडक छेउको रुख ढलेको छ। रुख ढल्दा महानगरीय प्रहरी प्रभाग पुल्चोकको कार्यालयमा क्षति पुगेको छ ।

महानगरीय प्रहरी प्रभाग पुल्चोक एसएसपी रवीन्द्र धानुकका अनुसार रुख ढल्ला प्रहरी कार्यालयमा समान्य क्षति भएपनि मानवीय क्षति भने भएको छैन । रुख ढलेका कारण केही समय सडक अवरुद्ध भएको थियो ।

काठमाडौं उपत्यकासहित देशका अधिकांश स्थानमा पानी परिरहेको छ । तराइका धेरै स्थान जलमग्न भएको छ ।

मौसम पूर्वानुमान महाशाखाका अनुसार हाल देशभर लगातारको मनसुनि वर्षा भइरहेको छ ।

महाशाखाका अनुसार देशभर अधिकांश वदलि रही धेरैजसो स्थानहरुमा वर्षा हुनेछ।

देशको खासगरि पूर्व र मध्य क्षेत्रका केहि स्थानहरुमा भारि वर्षा हुने छ भने पूर्व क्षेत्रका तराई र मध्य पहाडका थोरै ठाउँहरुमा अति भारि वर्षा समेत हुनेछ। देशको केहि स्थानहरुमा हावाहुरीको सम्भावना रहेको छ ।