काठमाडौं -आईसीसी विश्वकप क्रिकेटको फाइनमा पुगेको न्यूजिल्यान्डका कप्तान केन विलियमसनले आफ्नो टोलीका बलरहरुको प्रशंसा गरेका छन् । बुधबार भारतलाई सेमिफाइनलमा १८ रनले हराउदै फाइनलमा प्रवेश गरेको न्यूजिल्यान्डका कप्तानले बलरले राम्रो गरेको बताएका छन् । यस्तै, उनले टिमका खेलाडीहरुले राम्रो खेलेको बताउँदै टिमको प्रशंसा समेत गरेका छन् ।

लगातार दोस्रो पटक विश्वकपको फाइनलमा स्थान बनाएको न्यूजिल्यान्ड अब आइतबार लड्स क्रिकेट मैदानमा घरेलु टोली इंग्ल्यान्डसँग उपाधिका लागि प्रतिस्पर्धा गर्नेछ ।

त्यसअघि कप्तान विलियमसनले भने,‘म सम्मान गर्न चहान्छु । जुन तरिकाले खेलाडीहरुले मैदानमा मेहनत गरिरहे र मानसिक रुपमा आत्मविश्वासी भएर लागि रहे । बलिङमा हामीले शानदार शुरुवात गयौं । त्यसैबाट हामी अगाढि बढ्यौं । जसकारण हामी विपक्षीमाथि हावी हुन सक्यौं ।’

भारतविरुद्धको खेलमा खेलाडीहरुले राम्रो गर्दै उनीहरुमाथिको जुन विश्वास लिएको थियो त्यो पुरा गरेको उनले बताए ।

भारत बलियो टोली हो । त, उसका अग्रपंतीका चार ब्याट्सम्यान सस्तैमा आउट हुँदा पनि दबाब झेलेर राम्रो खेल्यो ।