काठमाडौं – फिल्म क्षेत्रमा निरन्तर सक्रिय कलाकार वर्षा राउत र सञ्जोग कोइरालाले इङ्गेजमेन्ट गरेका छन् । सोमवार यो जोडीले औँठी साटेर इङ्गेजमेन्ट गरेको हो ।
प्रेमदिवसको मौका पारेर फागुन २ गते बिहे गर्न लागेको यो जोडीले सो मितिमा बिहेको घोषणा पहिले नै गरेका थियो । वर्षा र संजोगले हिन्दू परम्पराअनुसार बिहे गर्नेछन् । लामो समयदेखिको प्रेमलाई उनीहरूले विवाहमा बदल्न लागेका हुन् ।
सञ्जोग यसअघि फिल्म ‘कथा काठमाडौं’ मार्फत दर्शकमाझ आएका थिए भने वर्षा अभिनित फिल्म ‘गोपी’ यतिबेला हलमा चलिरहेको छ ।
वर्षा र सञ्जोग दुवैले इङ्गेजमेन्टका तस्वीर सामाजिक सञ्जालमा शेयर गरेका छन् ।
प्रतिक्रिया