काठमाडौं– सेनाद्वारा डेढ अर्बको हेलिकोप्टर र तीन अर्बको जहाज खरिद, तर विना प्रतिस्पर्धा शीर्षकमा आजको नयाँ पत्रिकाले मुख्य समाचार छापेको छ ।

सेनाभित्रको अनियमितता अख्तियारले समेत छानविन गर्न मिल्दैन त्यसैले महालेखाको आपत्तिबीच पनि नेपाली सेनामा आर्थिक विकृति भएको उल्लेख गरिएको छ । विना प्रतिस्पर्धा तीन अर्बको सैनिक जहाज खरिद गरेको समाचारमा उल्लेख छ ।

त्यस्तै पत्रिकाले रातो कार्पेटमा पनि भ्रष्टाचार शीर्षकमा अर्को समाचार छापेको छ । सार्क सम्मेलनमा आएका विदेशी पाहुनालाई विमानस्थलमा रातो कार्पेट ओछ्याउने जिम्मा सेनालाई, महालेखा भन्छ– त्यसमा पनि अनियमितता ।

त्यस्तै योजना छनोटदेखि बजेट कार्यान्वयन सही नहुँदा सार्वजनिक खर्च प्रणली भयावह बनेको अर्को समाचार छापेको छ ।