काठमाडौं– गुठी विधेयक खारेजीको माग गर्दै सामाजिक अभियान्तहरुले मैन बत्ती बालेर विरोध जनाएका छन् । माइतीघर मण्डलामा भएको विरोध प्रदर्शनमा प्रहरी हस्तक्षेप भएपछि उनीहरुले बुधबार मैनबत्ती बालेर विरोध जनाएका हुन् ।

राष्ट्रिय पहिचान संरक्षण संयुक्त संघर्ष समिति लगायत अभियन्ताहरुले गुठी विधेयक फिर्ता नभएसम्म उनीहरुले आन्दोलन जारी राख्ने जनाएका छन् । सरकारले गत बैशाख १६ गते सांसदमा दर्ता गरेको गूठी ऐन २०७५ पारित भएमा धर्म सस्कृती लोप हुँदै जाने र ऐतिहासिक सम्पदा मासिने उनिहरुको तर्क छ ।

विधेयकको विरोधस्वरुप बुधबार बेलुकी बिशालबजार स्थित जुद्वसालिकमा मैन बत्ति बालेर विरोध जनाइएको अभियन्ताहरुले जनाएका छन् । विरोध कार्यक्रममा उनीहरुले सरकार विरोधी नारा लगाएका थिए ।

गत आइतबार माइतीघर मण्डलामा गुठी विधेयक खारेजीको माग गर्दै प्रदर्शनमा उत्रिएकाहरुमाथि प्रहरीले दमन गरेको थियो । प्रहरी दमनलाई लिएर अहिले सडक र सदनमा समेत यही विषयमा बहस चलेको छ ।