मेक्सिको सिटी– मेक्सिकोमा अर्का एक पत्रकारको हत्या भएको छ । दक्षिण पश्चिमी मेक्सिकोको टबास्को राज्यमा स्थानीय अखबारमा कार्यरत पत्रकार नोर्मा सराबियाको हत्या गरिएको हो ।
स्थानीय टबास्को होए नामक अखबारमा विगत १५ वर्षदेखि कार्यरत उनलाई हुइमानगुइलो शहरमा रहेको आफ्नै घरअगाडि मोटरसाइकलमा आएका अज्ञात बन्दुकधारीले गोली हानी हत्या गरेका थिए । यो वर्ष मेक्सिकोमा हत्या गरिने उनी छैटौं पत्रकार हुन् ।
मेक्सिको पत्रकारहरुका लागि सबैभन्दा खतरनाक मुलुकको सूचीमा पर्ने गरेको छ । यहाँ सक्रिय आपराधिक लागूऔषध तस्कर समूह तथा राजनीतिक प्रतिशोधका आधारमा पत्रकारको हत्या हुने गरेको बताइन्छ ।
प्रतिक्रिया