काठमाडौं– श्रम ऐनमा निधारण गरेअनुसार तलब नदिइ काम लगाउन अस्पताललाई कानूनी कारवाही गरिने श्रम, रोजगार तथा सामाजिक सुरक्षा मन्त्री गोर्कण विष्टले बताएका छन् ।

आइतवार राजधानीमा आयोजित अन्तर्राष्ट्रिय नर्सिङ दिवसको अवसर बोल्दै श्रम मन्त्री विष्टले नर्सिङ जस्तो पेशामा नीजि अस्पताल खोलेर श्रम शोषण गर्ने नहुने धारण राखेका थिए ।

सरकारले देशभित्र काम गर्ने सवै क्षेत्रका श्रमिकलाई रोजगारीको प्रत्याभुति र सुरक्षा ग्यारेन्टी गर्ने नियम कानून बनाइसेको मन्त्री विष्टले बताए । उनले भने, ‘देशभित्र ठूलो संख्यामा नर्सको आवश्यकता छ । हाम्रो समाजमा नर्सिङ पेशालाई राम्रो अथवा मर्यादित मानिन्छ । जसका कारण सवै समान ज्याला काम गर्ने प्रेरित गर्नुपर्छ । देशभित्रका नीजि कम्पनीका कारण धेरै युवा विदेश पलायन भइरहेका छन् ।’

नर्सहरुले धेरै काम गर्नु परेपनि थोरै पारिश्रमिक रोजगारदाताले दिइरहेको प्रति सरकार गम्भीर रहेको उनको भनाइ थियो ।

देशभित्र रोजगारी गरिरहेका नर्सलाई धेरै चुनौती रहेको नेपाल नसिङ संघकी अध्यक्ष तारा पोखरेलले बताइन् । नर्सका समस्याप्रति सरकार नै गम्भीर भएर काम नगरेको उनको आरोप छ । सरकारले नर्सका लागि रोजगारका अवसरप्रति ध्यान नदिदाँ नर्स पढेका धेरै युवायुवती बेरोजगार रहेको अध्यक्ष पोखरेलले बताइन् ।

देशभित्र नर्सिङ अध्ययन सकेर बसेका ७० हजारभन्दा बेरोजगार अवस्थामा भएको संघले जानकारी दिएको छ ।