एजेन्सी–फ्रान्सेली लिग वान च्याम्पियन पेरिस सेन्ट जर्मन (पीएसजी) को जितमा विश्व चर्चित खेलाडी नेयमार र एन्जल डि मारियाले गोल गरेका छन् । शनिवार राति भएको खेलमा पीएसजीले एन्गेर्सलाई २–० गोल अन्तरले पराजित गरेको हो ।
पीएसजीको जितमा नेयमारले खेलको २० औं मिनेटमा गोल गरेका थिए भने डि मारियाले ५८ औं मिनेटमा गोल गर्दा पीएसजीले २–० गोलको सहज अग्रता बनाएको थियो ।
केही खेल अगाडि नै लिग च्याम्पियन बनेको पीएसजीले लिगमा ८८ अंक बटुलेको छ । योसँगै पीएसजीले २८ औं पटक लिगको शिर्ष स्थानमा रहन सफल भएको छ । पछिल्लो केही दिन नेयमारको आलोचना भइरहेपनि एन्गेर्सविरुद्ध शुरुवाती गोल गर्दा चर्चा शुरु भएको छ ।
प्रतिक्रिया