काठमाडौं– सत्तारुढ दल नेपाल कम्युनिस्ट पार्टीकी नेतृ तथा पूर्व मन्त्री पम्फा भुसालले सीमाको रक्षाका लागि सेना परिचालन गरिनुपर्ने बताएकी छन् ।
संघीय संसदको राज्य व्यवस्था तथा सुशासन समितिको सोमबार बसेको बैठकमा बोल्दै नेतृ भुसालले नेपाली सेनालाई ठेक्कापट्टामा नभइ सीमाको रक्षाका लागि परिचालन गरिनुपर्ने बताएकी हुन् ।
भारतसँगको सीमा समस्या समाधानका लागि कूटनीतिक तवरबाट नभइ राजनीतिक तवरबाट पहल गरिनुपर्ने पनि बताइन् ।
नेतृ भुसालले भारतसँगको सीमा नियमन गरेर २ देशका नागरिकको आवत–जावतका लागि परिचय पत्रको व्यवस्था गरिनुपर्ने पनि धारणा राखिन् ।
प्रतिक्रिया