काठमाडौं–सत्तारुढ दल नेपाल कम्युनिस्ट पार्टी(नेकपा)ले पार्टीका केन्द्रीय निकाय तथा आयोगहरुको नेतृत्व टुंगो लगाएको छ ।

सोमबार(आज) प्रधानमन्त्री निवास बालुवाटारमा बसेको सचिवालय बैठकले केन्द्रीय अनुसन्धान आयोगका अध्यक्षमा अमृत बोहरा, सचिवमा अशोक रोकायलाई चयन गरेको छ ।

त्यस्तै लेखा परीक्षण आयोगमा पुष्प कँडेल र सविचवमा टेकनाथ आचार्यलाई चयन गरेको छ । केन्द्रीय निर्वाचन आयोगको अध्यक्षमा विष्णुपुकार श्रेष्ठ र सचिवमा माधव पौडेललाई चयन गर्ने निर्णय गरेको नेकपाका प्रवक्ता नारायणकाजी श्रेष्ठले जानकारी दिए ।

त्यस्तै जेष्ठ कम्युनिस्ट मञ्चको अध्यक्षमा नन्दकुमार प्रसाई, केन्द्रीय सल्लाहकार कमिटीमा केशव बडाललाई जिम्मेवारी दिइएको छ ।