एजेन्सी– चिनियाँ राष्ट्रपति सी चिनफिङ भारतीय प्रधानमन्त्री नरेन्द्र मोदीसँगको शिखर बैठकका लागि आज भारत जाँदैछन् ।
उनी स्थानीय समय अनुसार दिउँसो दुई बजे चेन्नाइमा अवतरण गर्ने कार्यक्रम रहेको भारतीय सञ्चारमाध्यमहरुले जनाएका छन् ।
सीको स्वागतका लागि भारतीय प्रधानमन्त्री नरेन्द्र मोदी विहान चेन्नाइ पुगेका छन् ।
चेन्नाइको नजिक ममल्लापुरममा मोदी–सीबीच शिखर बैठक हुने तय भएको छ ।
मोदीसँगको शिखर बैठक सकिएपछि सी नेपाल भ्रमणका लागि आउने छन् । सी शनिवार नेपाल आउने छन् ।
सी को स्वागतका लागि फलफूगको गेट
भारत भ्रमणमा आउने भएसँगै सीको स्वागतका लागि भव्य तयारी गरिएको छ । ठाउँठाउँमा पार्कहरु निर्माण गरिएका छन् ।
यस्तै तामिलनाडुको बागवानीले सीको स्वागतका लागि तरकारी र फलफूलले बनेको विशेष प्रकारको गेट नै निर्माण गरेको छ ।
भारतीय समाचार संस्था एएनआईका अनुसार करिब २०० कर्मचारीले १० घन्टा लगाएर फलफूल र तरकारीले बनेको गेट निर्माण गरेका हुन् ।
जहाँ १८ किसिमको फलपूलको प्रयोग गरिएको छ ।
उक्त फलफूल र तरकारी प्रदेशका विभिन्न भागबाट ल्याइएको भारतीय सञ्चारमाध्यमहरुले जनाएका छन् ।
प्रतिक्रिया