एजेन्सी- विश्व नम्बर एक नोभाक जोकोभिक र स्विस खेलाडी रोजर फेडेरर सांघाई मास्टर्सको क्वार्टरफाइनलमा प्रवेश गरेका छन् ।
चीनको संघाईमा भएको खेलमा अमेरिकी खेलाडी जोन इश्नरलाई हराउँदै जोकोभिक अन्तिम आठमा पुगेका हुन् भने बेल्जियमका डेभिड गोफिनलाई हराउँदै फेडेररले क्वार्टरफाइनलको यात्रा तय गरेका हुन् ।
३२ वर्षे जोकोभिकले १६ औं वरियताका इश्नरलाई ७-५ र ६-३ ले पराजित गरे । अब जोकोभिकले स्टेफानोससँग खेल्ने छन् ।
फेडेररले अन्तिम १६ मा बेल्जियमका डेभिड गोफिनलाई ७-६(९-७) र ६-४ ले पराजित गरे । अब फेडेररले एलेक्सजेन्डर जेभरेभसँग खेल्ने छन् ।
प्रतिक्रिया