काठमाडौं – नेपालमा आयोजना हुने एसियन भलिबल कन्फेडेरेसन (एभिसी) सेन्ट्रल जोन भलिबल प्रतियोगिताका लागि नेपाली राष्ट्रिय भलिबल टोलीको घोषणा भएको छ । आइतबार नेपाल भलिबल संघले १४ सदस्यिय राष्ट्रिय पुरुष भलिबल टोलीको घोषणा गरेको हो ।

घोषित राष्ट्रिय टोलीको कप्तानी नियमित कप्तान इमबहादुर रानाले गर्नेछन् भने उपकप्तान कुल बहादुर थापा रहेका छन् । यस्तै टोलीमा दिपकराज जोशी, धनबहादुर भट्ट, विशाल विक, राजेन्द्र विष्ट, कराज अवस्थी, हरिबहादुर अधिकारी, दुर्गा बहादुर खड्का, नरेन्द्र गिरी र ईश्वर थापा मगर छन् ।

यस्तै, राजकुमार निरौला, हरिहजुर थापा, विनोद बहादुर चन्द रहेका छन् । प्रतियोगिता आगामी भदौ २ देखि ७ गतेसम्म काठमाडौंको लगनखेलस्थित त्रिभुवन आर्मीको कभर्ड हलमा आयोजना हुनेछ ।

प्रतियोगितामा नेपालसहित बंगलादेश, माल्दिभ्स, अफगानिस्तान, किर्गिस्तान, तुर्कमिनिस्तान र उज्वेकिस्तानसहित ७ टोलीले प्रतिस्पर्धा गर्नेछन् ।