काठमाडौं– संस्कृति पर्यटन तथा नागरिक उड्डयन मन्त्रालयले नेपाल भ्रमण वर्ष २०२० अभियानलाई सफल बनाउन सम्पूर्ण नेपालीमा अनुरोध गरेको छ ।

विभागीय मन्त्री योगेश भट्टराईले आइतबार एक विज्ञप्ति जारी गर्दै भ्रमण वर्ष २०२० अभियानलाई सफल बनाउन प्रत्येक नेपाली नागरिकलाई आफूले प्रयोग गर्ने निजी तथा संघ/संस्थाहरुको नाममा रहेको सामाजिक सञ्जाल फेसबुक, वेबसाइट, ट्वीटर तथा इन्स्टाग्राम लगायतमा अभियानको लोगो राखी साथ दिन तथा प्रचारप्रसारमा सहयोग, समन्वय र सहकार्यका लागि अनुरोध गरेका हुन् ।

भ्रमण बर्ष २०२० अभियानलाई विश्वस्तर तथा नेपालभर प्रचारप्रसार गरी कम्तिमा बार्षिक २० लाख पर्यटक भित्र्याउने अभियान सञ्चालनमा सबै नेपालीबाट उल्लेखनीय सहयोगको अपेक्षा राखेको मन्त्री भट्टराईले हस्ताक्षर गरेको विज्ञप्तिमा उल्लेख छ ।

मन्त्री भट्टराई नेपाल भ्रमण वर्ष २०२० को मूल आयोजक समितिको संयोजक पनि रहेका छन् ।

हेर्नुहोस् विज्ञप्ति