काठमाडौं – प्रि- सिजनको अन्तर्राष्ट्रिय क्लब मैत्रीपुर्ण फुटबलमा बार्सिलोनाले नापोलीलाई पराजित गरेको छ।

गए राति भएको खेलमा बार्सिलोनाले नापोलीलाई ४-० गोल अन्तरले पराजित गरेको हो। स्टार खेलाडी तथा कप्तान लियोनल मेस्सी विना मैदान उत्रिएको बार्सिलोनाका लागि अर्का स्टार खेलाडी लुइस सुवारेजले दुई, एन्टोइनि ग्रिज्म्यान र उस्मान डिमबालेले समान एक-एक गोल गरे।

बार्सिलोनाका लागि खेलको ४८ औं मिनेटमा सुवारेजले गोल गर्दै टिमलाई अग्रता दिलाएका थिए भने ५६ औं मिनेटमा ग्रिज्म्यानले गोल गर्दै नापोलीविरुद्व २-० को अग्रता बनाएको बार्सिलोनाका त्यसको दुई मिनेट नवित्दै ५८ औं मिनेटमा सुवारेजले व्यक्तिगत दोस्रो र टिमलाई ३-० को अग्रता दिलाए। यस्तै डिम्बालाले खेलको ६३ औं मिनेटमा गोल गर्दै बार्सिलोनालाई शानदार जीत दिलाए ।