काठमाडौं–आईसीसी विश्वकप क्रिकेटको फाइनलमा इंग्ल्यान्ड र न्यूजिल्यान्डको भेट पक्का भएको छ । बर्मिङघमस्थित क्रिकेट मैदानमा भएको खेलमा घरेलु टोली इंग्ल्यान्डले अस्ट्रेलियालाई पराजित गर्दै विश्कप फाइनलको यात्रा तय गरेको हो ।

पहिलो ब्याटिङ गरेको अस्ट्रेलियाले दिएको २सय२४ रनको लक्ष्य पछ्याएको इंग्ल्यान्ड ३३.१ ओभर खेल्दै २ विकेट गुमाएर २सय२६ रन बनाउँदै लक्ष्य पुरा गर्यो ।

अस्ट्रेलियाविरुद्ध इंग्ल्यान्डका ब्याट्सम्यानले उत्कृष्ट ब्याटिङ गरे । चौथो पटक फाइनल पुगेको इंग्ल्यान्ड यसअघि सन् १९७९, १९८७ र १९९२ मा फाइनलमा पुगेको थियो ।

जसमा जसन रोयले ६५ बलमा ८५ रन बनाउँदै इंग्ल्यान्डलाई सहज स्थितीमा पुर्‍याएका थिए । त्यस्तै अविजित रहेका कप्तान इयोन मोर्गन ४५ रन बनाउँदा जोइ रुटले ४९ रन बनाएका थिए भने जोनी वेृरिस्टोले ३४ रन बनाएका थिए।

इंग्ल्यान्डविरुद्ध अस्ट्रेलियाका बलरहरु कमजोर सावित भए । जसमा उनीहरुले इंग्ल्यान्डको अग्रपंती कमजोर पार्न असफल रहे । इंग्ल्यान्डविरुद्ध अस्ट्रेलियाका मिचेल स्टार्क र पेट कुमिन्सले समान एक–एक विजकेट लिए ।

यसअघि टस जितेर पहिलो ब्याटिङ गरेको अस्ट्रेलिया ४९ ओभरमा सबै विकेट गुमाउँदै २सय२३ रन मात्रै बनाएको थियो ।

अस्ट्रेलियाविरुद्ध इंग्ल्याण्डका बलरहरुले कसिलो बलिङ गरे । अस्ट्रेलियाका लागि २सय२३ रन बनाउन पूर्व कप्तान स्टिभ स्मिथले सर्वाधिक ८५ रन बनाए भने एलेक्स क्यारेले ४६ रन बनाए ।

यस्तै, मिचेल स्टार्कले २६ रन बनाउँदा ग्लेन म्याक्सवेलले २२ रन बनाएका थिए । अस्ट्रेलियाविरुद्ध घरेलु टोली इंग्ल्यान्डका बलर क्रिस वार्कस र अदिल रशिदले उत्कृष्ट बलिङ गर्दै समान ३–३ विकेट लिँदा जोर्फा आर्चरले २ विकेट र मार्क वुडले एक विकेट लिएका थिए ।