काठमाडौं- नेपाल विद्यार्थी संघको केन्द्रीय समिति भंग गर्ने तयारी नेपाली कांग्रेसले गरेको छ। यसका लागि सोमबार केन्द्रीय समितिको बैठक बस्ने तय भएको छ।

संस्थापन र वरिष्ठ नेता रामचन्द्र पौडेल समूह नेविसंघ भंग गर्न सहमत भइसकेको बताइएको छ। भंग गरी नयाँ तदर्थ समित बनाउन लागिएको कांग्रेस स्रोतले जानकारी दिएको छ।

कृष्णप्रसाद सिटौला समूहले भने फरक मत राखेको छ। उसले यही समितिले महाधिवेश गर्नुपर्नेमा जोड दिएको छ।

यसअघि पाँच महिनाभन्दा बढी समय थपिए पनि महाधिवेशन गर्न नसकेपछि पार्टीका दुई समूह नेविसंघ भङ्ग गर्ने अवस्थामा पुगेका हुन्।

माघ १० गतेदेखि जारी बैठक सरकार विरोधी मुद्दामा केन्द्रित भएपछि कार्यकाल सकिएको संघका बारेमा छलफल हुन सकेको थिएन।