काठमाडौं– संघीय सरकारको भौतिक पूर्वाधार तथा यातायात मन्त्रालयका एकजना उपसचिव आफ्नै छोरीमाथि योन शोषण गरेको आरोपमा पक्राउ परेका छन् ।

विगत केही वर्षदेखि आफ्नै छोरीमाथि पटक–पटक जबरजस्ती करणी गर्दै आएका  उपसचिव पक्राउ परेका हुन् ।

महानगरीय प्रहरी परिसार ललितपुरको टोलीले उनलाई पक्राउ गरेको हो ।

छोरीले दिएको उजुरीका आधारमा उपसचिवलाई पक्राउ गरिएको महानगरीय प्रहरी परिसर ललितपुरका एक अधिकारीले जानकारी दिए ।

प्रहरीका अनुसार १८ वर्षीया छोरीले आफूमाथि आफ्नै बुवाले पटक पटक जबरजस्ती करणी गरेको भन्दै उजुरी दिएकी थिइन् ।

१८ वर्षीया ति छोरी राजधानीको एक स्कूलमा १२ कक्षामा अध्ययनरत रहेको जनाइएको छ । बुवाको व्यवहारबाट पीडित बनेकी किशोरीले प्रेमीको सहयोगमा प्रहरीमा उजुरी दिएकी हुन् ।

प्रहरीका अनुसार उपसचिवले ‘विदेशमा त यो सबै चल्छ, आधुनिक युगमा सबै कुरा सामान्य हुन्छ’ भन्दै छोरीमाथि बलात्कार गर्दै आएका थिए ।