काठमाडौं–बलिउड अभिनेता अमिताभ बच्चनको ट्वीटर एकाउन्ट ह्याक भएको छ । उनको एकाउन्ट ह्याक गरी पाकिस्तानी प्रधानमन्त्री इमरान खानको तस्वीर राखिएको थियो ।
उनको ह्याक भएको ट्वीटर एकाउन्टबाट पाकिस्तानलाई समर्थन गर्ने पोस्टहरु राखिएको थियो ।
टर्किस साइबर आर्मी ‘अयिल्दिज टिम’ले एकाउन्ट ह्याक गरेको हो । ह्याक गरेपछि ट्वीटरमा लेखिएको थियो, ‘यो पुरै विश्वका लागि एक सन्देश हो, हामी टर्कीका फुटबलरप्रति आइसल्याण्डको गैरजिम्मेवार व्यवहारको निन्दा गछौं, हामी विस्तारै बोल्छौं ।’
बच्चनले ह्याक भएको ट्वीटर एकाउन्ट फिर्ता लिएको र अहिले ह्याक भएपछिका पोस्टहरु पनि हटाइएको छ।
प्रतिक्रिया