एजेन्सी-च्याम्पियन्स लिगको क्वाटरफाइनलको पहिलो लेगमा स्पेनिस महारथि बार्सिलोनाले इंग्लिस क्लब म्यान्चेस्टर युनाइटेडमाथि साघुँरो जीत हात पारेको छ । वल्ड ट्राफोर्डमा भएको खेलमा बार्सिलोनाले युनाइटेडलाई १-० गोल अन्तरले पराजित गरेको हो ।

हजारौं दर्शकमाझ आफ्नो घरेलु मैदानमा भएको खेलमा युनाइटेडले बार्सिलोनासँग सम्हालीएर खेलेको थियो । ट्राफोर्डमा बार्सिलोनासँगको सातौं भेटमा युनाइटेडले तेस्रो पटक बार्सिलोनालाई खेल सुम्पिएको हो । बार्सिलोनाको जीतका लागि युनाइटेडका लुका शाले गरेको आत्मघाती गोल निर्णायक बन्यो ।

युनाइटेडविरुद्ध बार्सिलोनाका स्टाइकर तथा कप्तान लियोनल मेस्सी तथा लुइस स्वारेजले आक्रामक खेलेपनि अन्तिम समयसम्म पनि गोल गर्न सकेका थिएनन् । तर, खेलको १२ औं मिनेटमा शाले गरेको आत्मघाती गोल उपहार पाएको बार्सिलोनाले पहिलो लेग जीतेको हो ।

पराजित युनाइटेडले बार्सिलोनाविरुद्ध पटक-पटक गोल अवसर सिर्जना गरेपनि गोल हुन नसक्दा पराजित हुनुपरेको प्रशिक्षक ओले गनर सोल्सायरले बताएका छन् ।

‘पहिलो हाफमा हामी केही नर्भस भएपनि बार्सिलोनाले गोल गरीसकेकपछि युनाइटेडले व्यवस्थीत र टिम सेट भएर राम्रो खेलेको थियो,’ उनले बीबीसीसँग खेलपछि बोल्दै भने,‘बार्सिलोनाविरुद्ध हाम्रो मिडफिल्डमा खेलाडीहरुले व्यक्तिगत राम्रो प्रदर्शन देखाए । मेस्सी र स्वारेजको बल गोल हुँदा यो अचानक लुका शाको खुट्टामा लाग्न पुग्यो । तर, पनि हामी अझै तालिकामा छौं । नाउ क्याम्पामा दोस्रो लेगबाट खेलमा फर्किन सक्छौं ।’

यस्तै, विजयी टोलीका प्रशिक्षकले खेल प्रतिस्पर्धात्मक भएपनि नतिजा आफ्नो पक्षमा परेको भन्दै खुसी व्यक्ति गर्दै दोस्रो लेगमा अझै राम्रो गर्ने बताएका छन् ।