काठमाडौं – कलाकार तथा निर्माता दीपकराज गिरी सामाजिक सञ्जालमा सक्रिय रहन्छन् । उनले फिल्म रिलिजका बेला सामाजिक सञ्जालबाटै फिल्मको प्रचार गर्न भ्याएका हुन्छन् भने देशको राजनीतिक अवस्थाबारेमा पनि उनले व्यङ्ग्य गरेका हुन्छन् ।

यसैबीच कलाकार गिरीले देश मेरो होइन भन्नेलाई गोली हान्नुपर्ने धारणा राखेका छन् । पछिल्लो केही दिन सीके राउतले राजनीतिक माहोल तताइरहेका बेला गिरीले यस्तो लेखेका हुन् ।

यद्यपि उनले आफ्नो भनाइमा व्यक्ति विशेषभन्दा पनि प्रवृत्तिलाई जोड दिएका छन् ।

‘देशले अन्याय गरेको छ भने बोलिहाल्नुपर्छ, देश मेरो होइन भन्नेलाई चाहिँ गोली हान्नुपर्छ ।’, दीपकराज गिरीले फेसबूकमा लेखेका छन् ।

फिल्मको कुरा गर्ने हो भने दीपकराज गिरीले रोहित अधिकारीसँग मिलेर नयाँ फिल्ममा काम गर्दैछन् । जुन फिल्ममा दीपेन्द्र लामाको निर्देशन रहनेछ ।