काठमाडौं– अखण्ड र स्वाधीन नेपालसहित सरकारसँग ११ बुँदे सहमति गरी विखण्डनको बाटो त्यागेका डा. सीके राउत जनकपुरा पुग्दा ‘स्वतन्त्र मधेस’ नारा घन्किएको छ । सरकार र राउतबीच शुक्रबार मात्रै ११ बुँदे सहमति भएको थियो ।

राउतको स्वागतको लागि जनकपुर विमास्थल पुगको कार्यकर्ताले ‘फ्री मधेस’ लेखिएको झण्डा बोकेर हिन्दी भाषामा विखण्डनको नारा लगाएको थिए । आजको अन्नपूर्ण दैनिक लेख्छ– राउतले पृथकतावादी आन्दोलनको बाटो छाडेर मूलधारको राजनीतिमा प्रवेश गरेको भनिएपनि उनका कार्याकर्ताले पुरानो नारा छाडेका छैनन् ।

त्यस्तै गरी पत्रिकाले जनमत संग्रहको व्याख्यापछि संसदमा तीव्र असन्तुष्टि चुलिएको समाचारलाई पनि पहिलो पृष्ठमा समाचार छापेको छ । यता कांग्रेस सभापति शेरबहादुर देउवाले सीके राउत मूलधारको राजनीतिमा आउनु सकारात्मक भएको प्रतिक्रिया दिएका छन् ।

त्यस्तै पत्रिकाले भारतबाट ल्याउँछ विप्लव समूहले हतियार शीर्षकमा अर्को समाचार छापेको छ । नेत्रविक्रम चन्द ‘विप्लव’ नेतृत्वको नेकपाले हतियार र विस्फोटक पदार्थ भारतबाट भित्र्याएको पाइएको हो । केही दिनदेखि उक्त समूहले मुलुकका विभिन्न ठाउँमा आतंक मच्चाउँदै आएको छ ।

त्यस्तै पत्रिकाले क्यान्सर उपचारमा समस्या, शुल्क तिर्दा पनि सेवा पाइँदैन शीर्षकमा क्यान्सरको पहिचान भएका दर्जनौैं विरामी उपचारका लागि सुशील कोइराला प्रखर क्यान्सर अस्पतला पुग्छन् तर उपचार नै नपाई निरास फर्किने गरेको समाचारमा उल्लेख गरेको छ ।