काठमाडौं– नेपाल विद्यार्थी संघको नेपाली कांग्रेसका नेता बीपी कोइरालाको १०६ औँ जन्मजयन्ती वृक्षारोपण गरेर मनाएको छ । नेविसंघले मंगलबार बीपीको जन्मजयन्तीको अवसर पारेर त्रिभुवन विश्वविद्यालय परिसरमा वृक्षारोपण गरेको हो ।

त्रिभुवन विश्वविद्यालय परिसरमा नेविसंघले करिब तीन सय विरुवा रोपेको थियो । कार्यक्रमका प्रमुख अतिथि कांग्रेसका केन्द्रीय सदस्य एवं पूर्वमन्त्री एनपी साउदले वृक्षारोपण कार्यक्रमको सुभारम्भ गरेका थिए ।

नेता साउदले बीपीको बाटोमा हिडेँ मात्रै देश समृद्ध र सुखी हुनेमा जोड दिए । कार्यक्रममा प्रतिपक्ष दलका विद्यार्थी संगठनका नेताहरुको पनि उपस्थिति थियो ।

बिपक्षी दलका विद्यार्थी संगठनका नेताहरूले बीपी कोइराला दूरदर्शी नेता भएको उल्लेख गर्दै कोइरालाको समाजावादको खुलेरै प्रसंशा गरे ।

अखिल पाँचौंका अध्यक्ष घनश्याम मिश्र, अखिल नेपाल विद्यार्थी यूनियन अध्यक्ष प्रबिन मिश्र, अखिल वैद्य महासचिव पेशल दाहाललगायतका विद्यार्थी नेताका साथै नेविसंघका नेता, कार्यकर्ताको कार्यक्रममा उपस्थिति थियो ।