काठमाडौं – युरोपियन च्याम्पियनसीप क्वालिफायरको समूह सी मा रहेको नेदरल्यान्डले इस्टोनियालाई पराजित गरेको छ । गएराति भएको खेलमा डच टोलीले इस्टोनियालाई ४–० को फराकिलो अन्तरले पराजित गर्यो ।

नेदरल्यान्डका लागि रायन बाबेलले २ गोल गरे भने माम्फिस डेपे र जर्जियानो विज्नाल्डुमले समान एक–एक गोल गरे । बाबेलले खेलको १७ औं र ४८ औं मिनेटमा गोल गर्दै टिमलाई २–० को अग्रता दिलाइ रहँदा डेपेले ७६ औं मिनेट र विन्नाल्डुमले ८७ औं मिनेटमा गोल गरेका थिए ।

त्यस्तै, समूह सी कै अर्को टोली जर्मनले नर्दन आयरल्यान्डलाई पराजित गरेको छ ।

जर्मनले आयरल्यान्डलाई २–० गोलद अन्तरले पराजित गरेको हो । खेलको पहिलो हाफ गोल रहित बराबरी खेलेको जर्मनका लागि ४८ औं मिनेटमा मार्सल हेलस्टेनबर्गले गोल गर्दै टोलीलार्य अग्रता दिलाएका थिए भने सेर्ज ग्नार्बेले गोल इन्जोरी समयमा गोल गर्दै टिमलाई २–० को जित दिलाएका थिए ।