पूर्व राजा ज्ञानेन्द्र शाहकी नातिनी एवं पूर्व युवराज पारश शाह र पूर्व युवराज्ञी हिमानी शाहकी छोरी हुन् पूर्णिका शाह । उनी यतिबेला थाइल्याण्डमा छिन् ।

आमा हिमानीसँग थाइल्याण्ड पुगेकी पूर्णिकाको अध्ययनको व्यवस्थापन भन्दै पूर्व राजा ज्ञानेन्द्र शाहपनि गत शुक्रवार थाइल्याण्ड गएका छन् भने हजुरआमा कोमल पनि थाइल्याण्ड गएकी छिन् ।

पूर्व राजा ज्ञानेन्द्र शाहको सचिवालयका अनुसार नातिनी पूर्णिकाको अध्ययन र भर्नाको व्यवस्थापनका लागि पूर्व राजपरिवारका सदस्यहरु थाइल्याण्ड गएका हुन् ।

पूर्णिका पछिल्लो समय आमा हिमानीसँग हरेकजसो क्रियाकलापमा देखिने गरेकी छिन् । गत साता पूर्व राजा ज्ञानेन्द्र शाहको पुस्तक विमोचनमा पनि उनी हिमानीसँगै देखिएकी थिइन् भने साउने सोमबार पशुपति दर्शनका लागि पनि उनी हिमानीसँग देखिएकी थिइन् ।

उनी समाजिक सञ्जालमा तस्वीरहरु सेयर गर्न रुची राख्छिन् । उनले बुवा पारश शाह, आमा हिमानीका साथसाथै हजुरववा र हजुरआमासँगका तस्वीरहरु पनि सामाजिक सञ्जालमा सेयर गर्ने गरेकी छिन् ।

हेरौं केही तस्वीर

तस्वीर–पूर्णिकाको फेसबुक पेजबाट