काठमाडौं – लोकप्रिय गायक प्रकाश सपूत ‘डीएनए क्लोथिङ’ ब्राण्डको एम्बेस्डरमा अनुबन्ध भएका छन् । राजधानीमा एक औपचारिक कार्यक्रमको आयोजना गर्दै सपूतलाई ब्राण्ड एम्बेस्डर घोषणा गरियो ।
दुई वर्षदेखि बजारमा आएको यो कपडाको ब्राण्डका लागि सपूत एक वर्षका लागि अनुबन्ध गरिएको हो । आधिकारिक घोषणापछि प्रकाश सपूतले यो क्षणलाई एक सफलताका रुपमा लिएको बताएका छन् ।
डीएनए ब्राण्डका तर्फबाट केदार प्रसाद न्यौपानेले गायक प्रकाश सपूतलाई प्रमाण पत्र प्रदान गरे । कार्यक्रममा शान्तिश्री परियार, तिलक बस्नेत लगायत उपस्थित थिए ।
पछिल्लो समय बजारमा आएको गीत ‘गलबन्दी’ चर्चामा छ । यो गीतका गायक तथा संगीतकार प्रकाश सपूत हुन् ।
प्रतिक्रिया